وزاره الداخليه لازم تفتح شرطه بنات

اكيد حتتريق و حترفض الموضوع و حتقول انو ماينفعشى ان البنات تتعامل مع مجرمين و ان مفيش اى سبب انهم يفتحوا شرطه بنات
طب تعالا نبس للموضوع بطريقه عميقه شويه

القضايا الحساسه زى التحرش الجنسى ازاى واحده واحد اتحرش بيها حتروح تقول لضابط الولد ده اتحرش بيه طب زكان البنت بتخاف او بتخجل من انها تقول لاهلها او حتى صاحبتها فما بالك انها تقول لراجل غريب و كمان ضابط و فى وقتها كمان طب افرض التحرش ده فى منطقه حساسه بالجسم او كلمه خارجه لما الضابط يسالها هو اتحرش بيكى ازاى !!! هى موقفها حيبقى عامل ازاى كل ده و انا بكلم عن ضابط محترم
حدث بالفعل : واحده حصلها تحرش و راحت استنجدت بضابط و لما البنت صممت انها تروح تعمل محضر فى القسم الضابط قالها انت ماتعرفيش الضباط الى فى الاقسام دول حيتعملوا معاكى ازاى حيعدوا يتريئوا و يقلوا ادابهم و حيسئلوكى هو اتحرش بيكى ازاى ورينى كده اتحرش بيكى ازاى بالضبط و مش حيحترموكى و انت زى اختى و انا مرداش لاختى انها تتعامل مع ضباط
ده غير ان نسبه كبيره من الرجاله (الهما جزء منهم ضباط) بيبصوا للبنت الى حصلها التحرش بنظره وحشه

و حتى لو افتردنا ان كل الضباط محترمين و بيراعوا ربنا فاحتراما لمشاعر المراه و كرامتها الى تحقق معها تبقى ضابطه

الاغتصاب و مش محتاجه اشرحها طبعا فى ولاد شايفين ان عادى جدا ان الضابط يحقق فى قضيه اغتصاب طب لو انتوا شايفين كده يبقى عادى جدا ان ضابطه (ست ) تحقق فى قضيه واحد اتهتك عرضوا !!!!!!!

الاداب حتقولولى ان الضابط بيبقى مجوز مهما كان الضابط مجوز محدش يقول ان الى ممسوكه فى اداب ديه مش حتاثر عليه و كمان ده ضابط معاه سلطه و هى واحده ممسوكه فى اداب و مش محتاجه اشرح ده حتى لو مراعى ربنا زى ماقولت محدش يقنعنى انها مش حتاثر فيه و انتوا فاهمين طبعا انا اصدى ايه

الاطفال المتهمين احسن واحده تتعامل مع الاطفال المتهمين هى المراه مهما تقولى ان ده طفل مجرم و عمل حاجات وحشه ده فى التهايه طفل و اكبر دليل هو ان ربنا قال انوا مش حيحاسب الاطفال مهما عملوا
و خلينا فاكرين ان فى طفل مات من التعذيب فى قسم المنصوره ده معناه انهم المفروض يفتحوا شرطه بنات

الاطفال التايهين و خصوصا المغتصبين

طبعا انا مش بطالب بس بعمل المراه فى الشرطه فى الحاجات ديه بس لا انا بطالب ان يكون فى مباحث و مرور و امن مركزى و امن دوله و دفاع مدنى بنات
امريكا وو الدول الاوروبيه و الاسيويه وووووووو عندها شرطه بنات
حتقولى عادات و تقاليد حقولك هو ايه الى فى حيعارض العادات و التقاليد يعنى انت شايف ان كل الى قلتوا عن القضايا الحساسه ديه بيعارض العادات و التقاليد وحتى الحاجات التانيه زى المرور و الامن المركزى ووو ايه الى فيه حيعارض العادات و التقاليد علشان حاجه احنا مش متعودين عليها و جديده يبقى خلاص نقول عليها بتعارض

لمعلوماتك الدول العربيه سبائتنا و عملت شرطه بنات و خرجت دفعات زى الجزائر و ليبيا و العراق و ايران و الامارات و الاردن وووو

هل كل الدول ديه الى احنا بنتمنى اننا نبقى زيها غلطانه انها تفتح شرطه بنات و احنا الى صح؟

لو اعتراضك على موضوع القوه الجسمانيه فهي ايه الشرطه علشان البنت متادرشى عليها من الناحيه ديه فهى مش صاعقه او مشاه و لو كان كده كنا شوفنا ان الى بيدخلوا شرطه طول بعرض و وووو لكن الى بنشفهم ضباط قصيرين و بنضارات و مش طول بعرض و لا حاجه هى اه عايزه جسم قوى لاكن مش بالصوره الى تفوق قدرت البنات و اذا ماكنش كده ماكانتش كل الدول ديه فتحت شرطه بنات و استمرت فيها

انا بطالب وزاره الداخليه بفتح شرطه بنات و اتمنى الموضوع ده يوصل للوزاره

انا عملا جروب بطالب فيه فتح شرطه بنات على الفيس بوك و لغايت دلوقتى الجروب اتكتب عنوا مرتين فى الجرايد و عندى امل ان الموضوع يكبر و يوصل للوزاره
اللينك اهه
http://www.facebook.com/home.php#/group.php?gid=34714373933